Sayt test rejimida ishlamoqda
Tarbiya logo
video card

Botir Arifjanov, tadbirkor

ODAMLAR HAYOTINI OSONLASHTIRGAN O'ZBEK 

   Kech bo'lib qolgani tufayli Botir do'kondan qo'l telefoni hisobini to'ldirish uchun karta topa olmadi. Shunda uning xayolida kartaning o'rnini bosuvchi elektron to'lov tizimini yaratish g'oyasi tug'iladi. Mobil kompaniyada ishlagan hamkasblari uning bu fikrini kulgi bilan qarshi olishsa-da, Botir g'oyasining o'ziga xosligiga ishondi. Shuning uchun u qayta-qayta mutaxassislar bilan uchrashdi, rejalarni muhokama qildi. Rad javoblar, moliyaviy mavzudagi natijasiz muzokaralar uning umidini so'ndirolmadi. Nihoyat, g'oyani qo'llab - quvvatlaydigan sarmoyador topildi. Xomaki g'oya izlanishlar natijasida ilg'or fikrga va keyinchalik yirik biznesga aylandi. 300 ming AQSH dollari miqdorida kiritilgan sarmoya 6 oyda o'zini oqlagani biznes olamidagilarni hayratga soldi. Bu g'oya O'zbekistondan tashqari yana bir nechta davlatlarda ham joriy qilindi.                                                                                                                                                                                                                                                                                                                                                                                                                                                                             

   Botir Orifjonov 1978-yilda Toshkent shahrida tug‘ilgan. 2005-yilda PAYNET to‘lov tizimiga, 2017-yilda LeBazar internet do‘koni, 2018-yilda bepul ta’lim platformasi- Khan Academy O‘zbek loyihasiga asos solgan. Xorijiy tilni yaxshi bilgani va universitetda Biznes boshqaruvi yo‘nalishida faolligi uchun Botir Angliyada magistratura yo‘nalishida tahsil olish imkoniga ega bo‘ldi. 

 

                         Muvaffaqiyat sari intilayotgan bo‘lsangiz, g‘oyangizni asrab qoling. Boshqalar taslim bo‘lganida, siz mo‘jizaga ishoning. Bu hayotingizni bir umrga o‘zgartiradi.

                                                                                                                                                                                                                                                             Botir Arifjanov 

 

 

Izohlar: